“Reuters” агенттігі Австрияның “APA” жергілікті ақпарат құралына сілтеме жасап хабарлағандай, Грац қаласындағы мектепке жасалған шабуыл салдарынан кемінде тоғыз адам қаза тауып, бірнеше адам жарақат алған.

Австрияның мемлекеттік “ORF” телеарнасы сейсенбі күні жасаған мәлімдемесінде жарақат алғандардың арасында оқушылар мен мұғалімдер де бар екенін, кейбірінің жағдайы ауыр екенін хабарлады. Күдікті мектеп оқушысының өз-өзіне қол жұмсағаны айтылуда.

Полиция Драершютценгассе көшесінде орналасқан орта мектеп маңында арнайы операция жүргізіп жатқанын, алайда әзірге қосымша мәлімет бере алмайтындарын мәлімдеді.

Грац қаласының полициясы сейсенбі күні мектептен түскен қоңыраудан кейін арнайы жасақтың лицей ғимаратына жіберілгенін, атыс дауыстары естілгенін растады.

Полиция өкілі Сабри Йоргун сағат 10-да түскен шақырудан кейін арнайы жасақтың да мектеп ғимаратына жіберілгенін және оқиғаның мән-жайы анықталып жатқанын айтты.

Австрияның оңтүстік-шығысында орналасқан, шамамен 300 000 тұрғыны бар Грац елі бойынша екінші ірі қала болып табылады.