Полиция өкілінің мәлімдеуінше, жұма күні Бангладеште болған магнитудасы 5,7 жер сілкінісінен Даккада кемінде үш адам қаза тапты. Үш адам Дакканың Бангшал ауданында бес қабатты ғимараттың қоршауы салдарынан мерт болған.
Бангшал полиция бөлімшесінің қызметкері Ашийш Бозе Анадолы агенттігіне оқиғада үш адамның қаза тапқанын хабарлады.
Жергілікті өрт сөндіру қызметі Даккада және оның маңында жер сілкінісінен зардап шеккен немесе зақымданған жеті ғимаратқа қатысты жағдай анықталғанын және кемінде бір адамның жараланғанын хабарлады.
Жер сілкініс жергілікті уақыт 10:38-де (04:38 GMT) тіркелді, ал Бангладеш метеорология департаментінің дерегінше, эпицентр ел астанасынан шамамен 50 шақырым солтүстік-шығыста орналасқан Нарсингди округінде.
Жер сілкінісі бірнеше секундқа созылғанына қарамастан, дүмпудің күшімен Дакка тұрғындары үйлерінен жаппай сыртқа жүгіріп шығып, көшелерден қауіпсіз орын іздеген.
