Дональд Трамп электрондық өнімдерді тарифтен босатқаннан кейін сауда соғысы алаңдаушылықтары азайып, Азия қор нарығы көтерілді. Алайда бұл жеңілдік қысқа мерзімді болуы мүмкін деген қауіптен доллар төмендеп, алтын жаңа рекорд жаңартты.

Өткен аптадағы құбылмалы жағдайлардан кейін дүйсенбі күні биржа салыстырмалы түрде тұрақты басталды. Бұған жұма күні Ақ Үйдің смартфондар, жартылай өткізгіштер, компьютерлер және басқа да құрылғыларды өзара тарифтерден босату туралы мәлімдемесі себеп болды.

Бұл мәлімдеме АҚШ президентінің кедендік тарифтік шешімдерінде қарама-қайшы көзқарастары мен Қытайдың жауап қадамдарынан кейін қобалжыған инвесторларға үміт сыйлады.

АҚШ-тың Федералды резервтік жүйесінің шенеуніктері қаржы нарықтарын қолдау үшін араласуға дайын екенін мәлімдеген кейін Уолл-стриттің үш негізгі индексі сол күнді жоғары өсіммен аяқтады.

Жаңа жартылай өткізгіштерге салық

Бірақ Трамп жексенбі күні жеңілдіктер дұрыс түсінілмегенін айтып, «Truth Social» платформасына «ЕШКІМ бұл салықтан жалтармайды, әсіресе бізбен нашар қарым-қатынастағы Қытай!» , -деді. Ол сондай-ақ келесі аптада жаңа жартылай өткізгіш тарифін жариялайтынын мәлімдеді.

Сауда министрі Ховард Лутник чиптерге қатысты тариф «бір-екі ай ішінде» енгізілуі мүмкін екенін айтты.

Қытай президенті Си Цзиньпин дүйсенбі күні протекционизм ешқандай нәтиже бермейтінін және сауда соғысында жеңімпаздар болмайтынын мәлімдеді. Бұл мәлімдеме Пекиннің АҚШ тауарларына 125 пайыздық баж салығын енгізгеннен кейін жасалды, бірақ Қытай болашақта жауап шараларын қолданбайтынын меңзеді.

Вашингтон Қытай тауарларына тарифтерді 145 пайызға дейін көтеріп, сәрсенбі күні жарияланған 90 күндік жеңілдік мерзімінен Қытайды шығарып тастады.

Трамптың сауда саясатындағы белгісіздігі қор нарығында үрей туғызып қана қоймай, әлемдегі ең ірі экономиканың болашағына алаңдаушылық тудырды, доллардың да әлсіреуіне әкелді. Дүйсенбі күні доллар құлдырауын жалғастырды, еуро үш жылдық ең жоғары деңгейге, ал швейцариялық франк он жылдық ең жоғары деңгейге жетті.

Алтын бағасы өсті

Қазынашылық облигациялар да қысымға ұшырауда, себебі Қытай мен басқа елдер өздерінің үлкен қорларын сатуы мүмкін деген алаңдаушылық бар. Бұл АҚШ-тың сенімді актив ретіндегі позициясына күмән келтіруі мүмкін.

Алтын құбылмалы кезеңдердегі қауіпсіз актив ретінде дүйсенбі күні $3,245.75 доллармен жаңа шыңға көтерілд. Оған әлсіреген доллар да ықпал етті.