Бұл қадам өткен аптада Вашингтонда екі ұлттық гвардияшыға жасалған қарулы шабуылдан кейін АҚШ президенті Дональд Трамп пен Ішкі қауіпсіздік министрі Кристи Ноем көші-қон саясатына қысымды күшейтуге шақырғаннан соң жасалды.

Трамп әкімшілігі жаңа саясатқа сәйкес, «жоғары қауіпті» деп белгіленген 19 елдің азаматтарына қатысты барлық қарауда тұрған өтініштері мен өзге көші-қон жеңілдіктері туралы сұранымдарды тоқтатты.

Нұсқаулықта мекеме қызметкерлеріне: «Ұлтына қарамастан, толық тексеріс аяқталғанға дейін барлық I-589 формаларын (Баспана және Қуып шығаруды болдырмау өтініші) күту режиміне алыңыз» деп тапсырма берілген.

Құжатқа сәйкес, 2021 жылдың 20 қаңтары немесе одан кейін АҚШ-қа кірген осы 19 елдің азаматтары үшін бұрын мақұлданған барлық жеңілдік өтініштері «жан-жақты қайта қаралуға» тиіс. Бұл адамдар «ұлттық қауіпсіздік пен қоғамдық қауіпсіздікке төнетін қатерді толық бағалау» мақсатымен жаңа тексеруден өтеді, қажет болған жағдайда «қосымша сұхбат» да жүргізілетін болады.

Аталған жарлықта Ауғанстан , Мьянма, Чад, Конго Республикасы, Экваторлық Гвинея , Эритрея, Гаити, Иран, Ливия, Сомали, Судан және Йемен азаматтарына АҚШ-қа кіруге шектеулер енгізіледі.

Ал Бурунди, Куба, Лаос, Сьерра-Леоне, Того, Түрікменстан және Венесуэла елдерінен келушілерге жартылай шектеу қойылады.

Бұл шешім Вашингтонда екі ұлттық гвардияшының жаралануына байланысты Трамп пен Ноемнің көші-қон қадағалауын күшейту жөніндегі үндеуінен кейін қабылданды.