Ресей мен Украина арасындағы бейбіт келіссөздердің 16 мамырда өткен алғашқы кезіңінен кейін 2 маусымда Стамбулда кездесулердің екінші кезеңі өткізілді.

Келіссөз барысында тараптар көбірек соғыс тұтқынын алмасуға келісті. Бұл алмасу әсіресе ең жас және ауыр жараланған сарбаздарға басымдық беруді көздеп, екі тараптан жалпы алғанда 6 мыңға жуық сарбаздың мәйітінің қайтарылуына жол ашты.

Киев қаза тапқандардың тұлғасын анықтауды бастады.

Сәуір айында Ресей Украина күштерінің Курскке іргелес жатқан Сумы облысынан толық шығарылғанын және сол уақыттан бері солтүстік-шығыстағы бірнеше елді мекенді бақылауға алғанын хабарлаған болатын.

Киев бұл мәлімдемені жоққа шығарып, өңірдегі жағдайдың «күрделі» екенін білдірді.

Украина жасаған мәлімдемеде сарбаздардың мәйіттерінің бірнеше мемлекеттік мекеме арасындағы бірлескен жұмыстың нәтижесінде қайтарылғаны және Халықаралық Қызыл Крест комитетіне бұл процеске қолдау көрсеткені үшін алғыс білдіргені айтылды.

Сондай-ақ «Құқық қорғау органдарының тергеушілері мен Ішкі істер министрлігіне қарасты сараптама мекемелері қаза тапқандардың тұлғасын мүмкіндігінше тез анықтайтын болады», – делінген.