«Сыған қызы», «Марс мүсіні», Рим дәуіріне тиесілі субұрқақтар мен Евфрат өзенінің жағасындағы виллалардан табылған мозаикалар сияқты жүздеген туынды паш етілген Зеугма мозаика мұражайы Құрбан айт демалысында саяхатшылар ең көп бас сұққан орындардың біріне айналды.

«Президенттің Мәдениет және өнер бас жүлдесінің» де иегері саналатын бұл мұражайды демалыс күндері 49 мың 733 адам тамашалады.

Самсуннан келген Хедие Бешикчи Газиантепке арнайы Зеугма мұражайын көру үшін ат басын бұрғанын білдіріп, «Өте риза болдым, халық өте көп екен. Маған ұнады, тамаша жәдігерлер бар», — деді.

Коньяның Бейшехир ауданынан келген Кәмил Бахтияр болса: «Достармен бірге балаларды әкелдік, тарихи орындарды көріп таныссын дедік. Зеугманы да аралап жүрміз, Газиантепке бұған дейін де келгенмін, бірақ бұл жерге бірінші рет келуім. Кешігіп келіппіз, адам өте көп, бұл жер өзіне көрсетілген қызығушылыққа әбден лайық», — деп ағынан жарылды.