Басқарманың хабарламасына сәйкес, бүгін ел көлемінде еске алу және дұға ету бағдарламалары өткізіледі.

Іс-шаралар аясында барлық уәлаят мүфтияттарында барлық шейіттердің, әсіресе 15 шілдеде қайтыс болғандардың рухына бағышталып 81 мың дұға оқылады.

Түскі намаздың алдында барлық мешіттерде шейіттердің рухына бағышталып, Құран оқылады.

Президенттік Ұлттық мешітте өткізілетін Мәуліт әл-Шариф бағдарламасы «Diyanet» телеарнасында тікелей эфирде көрсетіледі.

Сондай-ақ шілденің 15-інен 16-сына қараған түні барлық мешіттерде сағат 00:13-те бір мезгілде азан шақырылады және мешіт мұнараларының шамдары таң атқанша жанып тұрады.

Сәрсенбі күні таңертең барлық мешіттерде таң намазында кездесу өткізіледі.

Қалаларда орталық алаңда еске алу шараларында Құран оқылып, дұға бағышталып, облыстық және аудандық мүфтиліктердің делегациялары шейіттер зираттарына, шейіт жанұялары мен ардагерлерге барады.

Жазғы Құран курстарында «15 шілде және дін қызметкерлері» тақырыбында арнайы іс-шаралар өткізіледі, ал жастарға қызмет көрсету орталықтарында жастарға діни бағытта ақпарат беріледі.

«Diyanet»  радиосы да азаматтарға тақырыпқа байланысты аудио жазбалар жариялайды.