Францияда рекордтық аптап ыстықтың салдарынан өлім санының күрт артуына байланысты ел астанасы Париждегі мәйітханалар мен жерлеу қызметі мекемелерінің шамадан тыс толып кеткені хабарланды.

Ауа температурасы 40°C-тан асқан кезеңде Францияда тәулігіне тіркелетін өлім саны қалыпты көрсеткіш — 900–1000 адамнан бірден 1400-ден асып кеткен.

Францияның Қоғамдық денсаулық сақтау агенттігі үш күн ішінде 1000-нан астам адамның қайтыс болғанын, ал көз жұмғандардың 85 пайызының жасы 65-тен асқанын мәлімдеді. Сонымен қатар Париж өңірінде үйде тіркелген өлім-жітім саны 40 пайызға артқан.

Билік мәйітханаларда орын қалмағандықтан уақытша салқындату қондырғыларын орнатып, мәйіттерді көршілес өңірлерге тасымалдауға мәжбүр болды.

Бұл жағдай 2003 жылы 15 мың адамның өмірін қиған тарихи аптап ыстықпен салыстырылып отыр. Соңғы оқиғалар жалғыз тұратын егде жастағы адамдарға қоғамдық қолдау мен әлеуметтік көмекті күшейту қажеттігі туралы үндеулердің көбеюіне себеп болды.