Ішкі істер министрі Мұстафа Чифтчи: «1919 жылғы 19 мамырда Самсунда тұтанған сол қасиетті алау бүгінде “Түркия ғасыры” мақсаттары аясында халқымыздың бірлігі мен ынтымағы рухымен жолымызды нұрландырып келеді», – деп мәлімдеді.
Министр Чифтчи өзінің “Nsosyal” әлеуметтік желідегі парақшасында 19 мамыр – Ататүрікті еске алу, жастар және спорт күніне орай құттықтау жолдауын жариялады.
Чифтчи 1919 жылғы 19 мамырдың Түркияның тәуелсіздік күресінің алғашқы іргетасы, тәуелсіз әрі қуатты Түркияға бастар жолдың алғашқы қадамы екенін еске салып, былай деді:
«1919 жылғы 19 мамырда Самсунда тұтанған сол қасиетті алау бүгінде “Түркия ғасыры” мақсаттары аясында халқымыздың бірлігі мен ынтымағы рухымен жолымызды нұрландырып келеді. Ата-бабаларымыз жанын пида етіп бізге аманат еткен осы қасиетті еліміздің тыныштығы, қауіпсіздігі және тұрақтылығы үшін біз дәл сол сенім, табандылық және сол ұлттық санамен еңбек етуді жалғастырып келеміз. Жастарымыздың жігері, халқымыздың дұғасы және мемлекетіміздің берік ұстанымдарының арқасында Түркияны барлық салада одан да қуатты болашаққа бастай береміз. 19 мамыр – Ататүрікті еске алу, жастар және спорт күні құтты болсын! Ең алдымен Гази Мұстафа Кемал Ататүрікті және барлық қаһармандарымызды құрметпен еске аламын».
