Гонконг полициясы өткен аптада бір құрылыста шыққан және кемінде 146 адамның өмірін қиған жойқын өртке байланысты жалпы 13 адамның ұсталғанын хабарлады.
Гонконг полиция қызметінің Қылмыс және Қауіпсіздік жөніндегі директоры Чан Тун «абайсызда кісі өлтіру» бабы бойынша дереу жан-жақты тергеу басталғанын және оның нәтижесінде «12 ер адам мен 1 әйелді қоса алғанда барлығы 13 адамның» қамауға алынғанын мәлімдеді.
Баспасөз мәслихатында Тун ұсталғандардың жасы 40 пен 77 аралығында екенін айтты.
Гонконгтың Бас хатшысы Эрик Чан журналистерге төрт ғимараттың жоғарғы, орта және төменгі қабаттарынан алынған жеті түрлі үлгінің өртке төзімділік сынақ стандарттарына сай келмегенін жеткізді.
ҚатыстыГонконгта бір тұрғын үй кешенінде өрт шықты - TRT Қазақ - TRT Қазақ
