Ресей Украинаға түнде 183 дрон мен екі баллистикалық зымыранмен шабуыл жасады. Бұл туралы Украина әуе күштері сенбі күні таңертең хабарлады.
183 дронның 77-сін атып түсіргені, ал қалған 73-і ешқандай зиян келтірмей құлағаны мәлімденді.
Ресей билігі де жұма күні түнде Украинадан жасалған ірі дрон шабуылынан кем дегенде төрт адамның жарақат алғанын білдірді.
Ресей Қорғаныс министрлігінің мәлімдемесіне сәйкес, түнде Ресей аймақтарында 170 украиналық дрон атып түсірілген.
“Өткен түнде сағат 22:00-ден 05:00-ге дейін әуе қорғаныс жүйелері 170 ұшақ типтес украиналық ұшқышсыз аппаратты жойып, құлатты,” – деді министрлік.
Бұдан бөлек Краснодар өлкесінің губернаторы Вениамин Кондратьевтің айтуынша, Новороссийск портты қаласы - ең ауыр зардап шеккен қала.
