Әлемнің түкпір-түкпірінен келген министрлер БҰҰ-ның климат саммитінде жаһандық міндеттемені көрсететін келісімге қол жеткізу үшін ең даулы мәселелерге назар аудара отырып, шешуші соңғы келіссөз кезеңіне дайындалуда.

БҰҰ-ның климат жөніндегі жоғары лауазымшысы Саймон Стилл COP30-дың екінші аптасы Амазонияның Белен қаласында басталғанда делегацияларға: «Көрсетілімге арналған дипломатияның уақыты өтті. Енді белді бекем буып, күш біріктіріп, жұмысты аяқтайтын кез келді», - деді.

Бразилия президенті Луис Инасиу Лула да Силваның сәрсенбі күні конференцияға қатысып, жұма күнгі жабылу отырысына дейін келісімге келуге ықпал етуі күтіліп отыр.

Қаржы, сауда және шығарындыларды қысқарту

Климат дипломатиясындағы жаңа динамика Қытай, Үндістан және өзге де дамушы елдің әлдеқайда күшті позиция ұстанып отырғанын көрсетеді. Ал Еуропалық Одақ қауымдастық ішіндегі әлсіреген қолдауды қайта нығайтуға тырысуда. Осы кезде АҚШ саммитке мүлде қатыспауды таңдады.

Өткен апта бойы келіссөз жүргізушілер үш негізгі саладағы көзқарас айырмашылықтарын айқындады: климаттық қаржыландыру, біржақты сауда шаралары және жоспарланған шығарындыларды қысқарту. Бұл бағыттар бойынша ілгерілеу қажетті деңгейден айтарлықтай төмен.

Париж келісімінің өнеркәсіпке дейінгі деңгеймен салыстырғанда жаһандық жылынуды 1,5°C-пен шектеу мақсаты орындалмай тұр, қазіргі көрсеткіш кемінде 2,3°C деңгейінде.

Норвегияның Климат министрі Андреас Бьелланд Эриксен: «Алдағы уақытта осы көрсеткішті қалай азайтатынымыз туралы сөйлесу — міндет», - деді.