Филиппиннің оңтүстігінде қуатты 7.4 балдық жер сілкінісі болды. Жергілікті сейсмология қызметі бұл оқиғадан кейін шығын мен кейінгі дүмпулер болуы мүмкін екенін мәлімдеді.

Филиппин сейсмология қызметінің басшысы Тересито Баколкол жер сілкінісінен кейін цунами туралы ескерту жарияланғанын айтты. Жер сілкінісі таңғы сағат 9:43-те Минданао аймағындағы Манай қаласынан шамамен 20 шақырым қашықтықта тіркелді.

Көп ұзамай елдің сейсмология қызметі цунами туралы ескерту жариялады.

Алдағы екі сағат ішінде елдің Тынық мұхит жағалауында бір метрлік толқындар көрінуі мүмкін. Осы аймақтардағы жағалау тұрғындарына "биік жерлерге шұғыл көшу немесе ішке қарай жылжу" кеңес берілді.

Қазірге дейін шығын немесе құрбан туралы ақпарат түскен жоқ.

11 күн бұрын да 6,9 баллдық жер сілкінісі болған еді. Себу аралында болған осы жер сілкіністе 74 адам қаза тауып, шамамен 72,000 үй қираған болатын.