Антиокеньо лицейінің оқушыларын тасымалдаған автобус Кариб теңізі жағалауындағы Толу қаласынан Медельинге қарай жол тартқан.

Губернатордың мәліметінше, Колумбияның солтүстігіндегі ауылдық аймақта оқушыларды алып келе жатқан автобус жардан құлап, 17 адамның қаза тауып, 20 адам жарақат алуына себеп болған.

Жексенбі күні “X” әлеуметтік желісінде жариялаған хабарламасында Антиокия департаментінің губернаторы Андрес Хулиан Антиокеньо лицейінің оқушыларын тасымалдаған автобус мектеп экскурсияcындан кейін Кариб жағалауындағы Толу қаласынан Медельинге жол тартқанын хабарлады. Ол сондай-ақ оқушылардың жағажайда мектеп бітірулерін атап өткенін айтып, «Бұл — желтоқсан айында бүкіл қоғам үшін өте ауыр хабар», -деді.

Құтқару қызметінің өкілдері тірі қалғандарды қауіпті шатқалдан зембілмен алып шығуға мәжбүр болды.

Колумбия президенті Густаво Петро “X” желісінде жариялаған жазбасында зардап шеккен отбасыларға көңіл айтып, «Мен жастардың қаза тапқанын қаламаймын. Әсіресе олардың білім алу үшін немесе қуанышты демалыста жүрген кезінде қаза табуы мені қатты қынжылтады», - деп жазды.