Иран күштері АҚШ-тың елге жасаған шабуылдарына жауап ретінде Кувейт пен Біріккен Араб Әмірліктерінде АҚШ пайдаланатын әскери базаларға зымыран және дрондармен шабуыл жасағанын мәлімдеді.
Иран күштері таратқан мәлімдемеде АҚШ-тың Иранға жасаған шабуылдарына жауап ретінде Кувейттегі Ахмед әл-Жабер әскери базасына соққы жасалғаны айтылды.
АҚШ күштеріне тиесілі спутниктік байланыс жүйелері, техника қоймалары мен әскери ұшақ ангарлары зымыран және дрондармен нысанаға алынған.
ҰСЫНЫЛҒАН
Мәлімдемеге қарағанда, шабуыл салдарынан базадағы байланыс жүйелері мен әскери ұшақ ангарлары зақымданған.
Шабуылдарда БАӘ-дегі Әл-Минхад базасында АҚШ әскерлері шоғырланған орындар мен радар жүйелері нысанаға алынғаны хабарланды.
