Түркия Израильдің оккупацияланған Батыс Шерияға шабуылын айыптады
Анкара күшейіп келе жатқан зорлық-зомбылық пен қоныстандыру әрекеттері бейбітшілікке деген үмітті әлсіретіп, палестиналықтардың құқықтарын бұзып отырғанын білдірді.
Түркия оккупацияланған Батыс Шерияда израильдік қоныстанушылар тарапынан күшейіп келе жатқан террор және заңсыз қоныстандыру әрекеттерін айыптап, мұның тұрақты бейбітшілікке деген үмітті біртіндеп жойып жатқанын ескертті.
Мәлімдемеде Израильдің қоныстандыру әрекеттері Анкара ұзақ мерзімді өңірлік тұрақтылықтың негізі деп санайтын екі мемлекет қағидатына сүйенген шешімді әлсіретіп отырғаны айтылды.
Мәлімдемеде сондай-ақ: «Израильдің екі мемлекет қағидатына негізделген шешімді әлсіретуге бағытталған аннексиялық әрекеттері мен палестиналықтардың өмір сүру құқығы секілді негізгі құқықтарын нысанаға алатын қоныстанушы террорын дереу тоқтату — халықаралық құқық пен өңір тұрақтылығы тұрғысынан аса маңызды талап», -деп хабарланды.
Министрлік қоныстанушылар тарапынан жасалып жатқан зорлық-зомбылықтың палестиналықтардың өмір сүру құқығы секілді негізгі құқықтарына қауіп төндіріп отырғанын білдірді.
Түркия бұл әрекеттерді тоқтату халықаралық құқықтың талабы екенін және өңірдегі тұрақтылықты сақтау үшін шешуші маңызға ие екенін мәлімдеді.