“3 жасар қыз бала “H5N1” құс тұмауын жұқтырған алғашқы адам ретінде тіркеліп, вирустан қайтыс болды”, - деп хабарлады денсаулық сақтау қызметкерлері.

1 сәуірде Ұлттық Диагностика және Эпидемиология Институты (InDRE) Дюранго штатынан бір баланың A(H5N1) вирусын жұқтырғанын растады. Ол шұғыл түрде көршілес Коахуила штатындағы мамандандырылған ауруханаға жеткізілген.

«Бүгін таңертең 3 жасар қыздың қайғылы қазасы туралы хабар алдық», – деді Коауила денсаулық сақтау хатшысы Элиуд Агирре сейсенбі күні өткен баспасөз мәслихатында.

Қайтыс болу себебі мүше және тыныс алу жетіспеушілігі екені анықталды. Агирре “Инфекцияның қайдан шыққаны әлі белгісіз. Билік қосымша жұқтыру жағдайларын бақылауды жалғастырып жатқанын мәлімдеді. Әзірге вирусқа қатысты басқа жағдайлар тіркелмеген”,-деді.

Баланың туыстары мен оны емдеген медициналық қызметкерлер бақылауда. Билік 38 адамды тексеріп, барлығының нәтижелері теріс шыққанын хабарлады.

«Біз қырағылықты сақтап, жаңа жағдайлардың пайда болмауын қадағалауды жалғастырамыз. Бүгінгі күнге дейін әсіресе Коахуилада жаңа жағдайлар тіркелген жоқ», – деді Агирре.

Өткен жылы Мексика штатынан 59 жастағы ер адам “A(H5N2)” вирусынан туындаған құс тұмауынан қайтыс болған еді.