“Geo News” телеарнасының хабарлауынша, Пәкістан Әуежайлар басқармасы Үндістанға қатысты әуе кеңістігін жабу мерзімін ұзарту жөнінде шешім қабылданғанын мәлімдеді.
Осыған сәйкес, Пәкістанның әуе кеңістігі Үндістаннан жүзеге асырылатын барлық коммерциялық және әскери рейстер үшін жабық қалады.
Сондай-ақ Үндістанның әуе компаниялары жалға алған ұшақтарға да Пәкістанның әуе кеңістігін пайдалануға рұқсат берілмейді.
Әуе кеңістігін жабу туралы шешім 24 шілдеге дейін созылмақ.
2025 жылы 22 сәуірде Үндістан бақылауындағы Джамму мен Кашмирдің Пахалгам ауданында қарулы адамдар туристерге оқ жаудырып, салдарынан 26 адам қаза тапқан болатын. Осы террорлық шабуылдан кейін екі ел арасындағы барлық сауда қатынасы тоқтатылып, әуе кеңістіктері өзара жабылды.
