АҚШ президенті Дональд Трамп Израиль мен Хамас тойтарыс тобы  арасындағы атысты тоқтату келісімі жуырда жүзеге асады деп үміттенетінін мәлімдеді.

Жексенбі күні Мэрилендтегі Эндрюс біріккен әскери базасында журналистерге сөйлеген сөзінде Трамп: «Газаға қатысты келіссөздеріміз жалғасып жатыр және келесі апта ішінде бұл мәселені шешеміз деп үміттенемін», - деді.

Трамп бұған дейін Катар мен Мысырдың Хамасқа ұсынысынан кейін Израильдің Газада 60 күндік атысты тоқтату шарттарын қабылдағанын жариялаған болатын.

Хамас бұл ұсынысқа оң көзқарас танытып, келісімді жүзеге асыруға және тұтқын алмасу жөнінде келіссөз жүргізуге дайын екенін білдірді.

Израиль Хамастың Катар ұсынысына енгізілген түзетулері «қабылданбайды» деп мәлімдесе де, делегациясы келіссөздер үшін Дохаға барды.

Дохадағы келіссөз 60 күн бойы атысты тоқтату, қаза тапқан 18 израильдік тұтқын мен 10 тірі тұтқынды қайтару, әрі тұрақты бітім туралы болашақ келіссөздер мәселесіне бағытталған.

Көптеген мәселе бойынша ортақ шешім табылса да, басты келіспеушілік Израильдің Газа маңындағы буферлік аймақты бақылауда ұстауға тырысуынан туындап отыр.

Атысты тоқтату келісімі жасалса да, Израиль билігі палестиналықтарды басқа елдерге күштеп көшіру саясаты аясында Рафах қаласында әскери болмысын жалғастырып, тіпті «шоғырландыру лагерін» құруды жоспарлап отырғанын хабарлады.