Анкарадағы Аднан Өтүкен атындағы кітапханада Қазақстанның көрнекті жазушыларының бірі, домбыра шебері және музыкатанушы Таласбек Әсемқұловтың өмірбаяндық романы «Талтүс» романының тұсаукесері өтті. Шараны Көкту қазақ мәдениеті қоғамы ұйымдастырды.
Роман қазақ халқының рухын, тарихын, музыкасын баяндауымен ерекшеленеді.
Кітапты жазушының серігі, әрі мәдениет танушы, ғалым, жазушы Зира Наурызбай таныстырды.
Шарада Таласбек Әсемқұловтың тек жазушы ғана емес, жан-жақты зиялы, күйші, домбыра шебері, композитор, кинодраматург, сыншы, өнертанушы, зерттеуші, кәсіби аудармашы екені баса айтылды.
«Шебердің көзі тірісінде жарық көрген жалғыз романы «Талтүс» қазақ халқының рухын, тарихын, музыкасын терең сезімталдықпен жеткізеді. Онда Таласбек Әсемқұлов күйді — Жаратқанның үні саналатын киелі музыканы баяндау тіліне айналдырады. Роман жеке адамның оқиғасы ғана емес; сонымен бірге өткен ғасырдың ауыртпалығын, халықтың күнкөріс күресін, домбыраның қазақ тарихындағы киелі орны мен мәнді маңызын баяндайтын мәдени эпос» деді романның аудармашысы сөз кезегінде.
Тұсаукесерге түріктің мәдениет, өнер және медиа өкілдері, түрлі бірлестіктер мен әдебиет сүйер қауым, сонымен бірге қазақстандық жастар қатысты.
