Қауіпсіздік саласындағы дереккөздерден алынған мәліметке сәйкес, Түркия Ұлттық барлау ұйымының басшысы Ибрахим Калын өткен аптада Афинада Грекия Ұлттық барлау қызметінің басшысы Темистоклис Демириспен бас қосты.

Кездесуде екіжақты қарым-қатынастар мен өңірлік оқиғалар талқыланып, мәселелерді шешу жолдары қарастырылды.

Тараптар екі ел арасындағы қарым-қатынастардың Эгей және Батыс Жерорта теңізі, НАТО қауіпсіздігі, барлау саласындағы ынтымақтастық, терроризм, ұйымдасқан қылмыс, заңсыз көші-қон және адам саудасымен күрес бағыттарында аса маңызды екенін атап өтті.

Кездесу барысында АҚШ пен Иран арасындағы соғыс, Сириядағы жаңа кезең, Ливияның саяси бірлігі, Палестина мәселесі, Израильдің Газа секторы мен Батыс Шерияда жалғасып жатқан заң бұзушылықтары мен басқыншылық саясаты, сондай-ақ Израильдің Сирия мен Ливанға жасаған шабуылдары да талқыланды. Тараптар терроризм мен ұйымдасқан қылмыстық топтарға қарсы күресте соңғы уақытта қол жеткізілген оң қарқынды одан әрі күшейтіп, ынтымақтастықты стратегиялық деңгейге көтеру қажет деген ортақ шешімге келді.

Ибрахим Калын мен Темистоклис Демирис екіжақты және өңірлік мәселелер бойынша ынтымақтастықты одан әрі нығайтуға келісті.