АҚШ-тың Израильдегі елшісі Израиль билігінен басып алынған Батыс Шерияда заңсыз сионист қоныстанушылар тарапынан соққыға ұшыраған 20 жастағы Палестинаның тумасы, Америка азаматы Саиф Муссаллеттің өлтірілуіне қатысты тергеу жүргізуге шақырды.
Сейсенбі күні «X» платформасындағы жазбасында елші Майк Хакаби: «Саиф Муссаллет – Синжилдегі жақындарына барған кезде соққыға жығылып, өлтірілген Америка азаматы. Мен оның өлімінің жан-жақты тергелуін талап етіп, Израильге үндеу жасадым. Бұл қылмыс пен террорлық әрекет үшін жауап берулері тиіс. Саиф небәрі 20 жаста болатын», – деді.
Жауапқа тарту
Флоридалық Муссаллет өткен жұма күні Синджил қалашығындағы туыстарына барған кезде шабуылға ұшырады. Отбасының айтуынша, тұрғындар оны ұрып-соғып, үш сағат бойы жедел медициналық көмек алуға рұқсат бермеген. Саиф Муссаллет оқиға орнында қайтыс болған.
Көптеген АҚШ депутаты көңіл айтып, Мемлекеттік департаментті оқиғаға қатысты жеке тергеу жүргізуге шақырды.
Аталған кісі өлімі Израиль күштері мен заңсыз сионистік қоныстанушылар тарапынан басып алынған Батыс Шерияда зорлық-зомбылық әрекеттері күшейген кезеңде болды.
