Белсенділер сейсенбі күні ел бойынша өткен наразылықтарға қарсы жүргізілген қатаң әрекет салдарынан кемінде 6 126 адамның көз жұмғанын, ал нақты құрбан саны бұдан да көп болуы мүмкін екенін жеткізді.
Жаңа деректер Ирандағы саяси толқу кезінде салыстырмалы түрде дәл мәлімет беріп келген АҚШ-та орналасқан адам құқықтары жөніндегі ұйымнан алынған. Аталған ұйым әрбір өлім жағдайын Иран ішіндегі жергілікті белсенділер желісі арқылы тексеріп отырады.
Биліктің интернетті өшіруі және Иран Ислам Республикасына жасалатын телефон қоңырауларын бұғаттауы салдарынан “Associated Press” агенттігі құрбандардың нақты санын тәуелсіз түрде растау мүмкін болмағанын мәлімдеді.
Иран үкіметі қаза тапқандар санын 3 117 адам деп хабарлады. Биліктің мәліметінше, олардың 2 427-сі бейбіт тұрғындар мен қауіпсіздік күштерінің өкілдері, ал қалғандары «террорист» санатына жатқызылған.
