Президент Ердоған “Түркия халықаралық сот шешімдеріне қарсы шығып, Сребреница геноцидін жоққа шығаруға немесе "соғыс қылмыскерлерін дәріптеуге" тырысатын ешбір мәлімдеме мен пікірлерді қабылдамайды”, деп мәлімдеді.

Режеп Тайып Ердоғанның бұл сөздері 1995 жылы болған Сребреница қырғынының 30 жылдығына арналған бейне хабарламада айтылды. Бұл қырғын мыңдаған босниялықтың өмірін қиған болатын.

Ердоған сондай-ақ Түркияның Босния және Герцеговинаның аумақтық тұтастығын, егемендігін және конституциялық тәртібін қолдауды жалғастыратынын, бұл қолдау шартсыз екенін атап өтті.

Ердоған Израильдің Газаға жасаған үздіксіз шабуылдарына тоқталып, ондаған жыл бұрын халықаралық қауымдастық Сребреницадағы қырғынға үнсіз қалғанын, қазір Палестинадағы зұлымдықтарға тек көрермен болып отырғанын айтты.

Ердоған Израиль үкіметі "58 000-ға жуық палестиналыққа қарсы геноциді үшін "заң мен тарих алдында "ерте ме, кеш пе" жауап беретінін баса айтты.