Израиль Қорғаныс министрі Исраэль Кац Израиль Ливан, Сирия, Газа және Йемендегі шабуылдарын жалғастыратынын және шиеленісті азайтуға бағытталған аймақтық және халықаралық күш-жігерге қарамастан бас тартпайтынын мәлімдеді.

«Maariv» газетінің хабарлауынша, Кац Израиль Әуе күштерінің ұшқыштарына арналған оқу курсының ашылуында «Израиль Ливан, Сирия, Газа және Йемендегі операцияларын жалғастырады»,-деді.

Іс-шараға Беньямин Нетаньяху мен Бас штаб бастығы Эяль Замир де қатысты.

Кац: «Ливанда Хезболлаға қарсы барынша күш қолдануды жалғастырамыз. Сирияда Хермон тауы (Жабал Шейх) мен қауіпсіздік аймағынан шегінбейміз. Газада ХАМАС-ты жойып, аймақты қарусыздандырамыз», - деді.

Йеменге қатысты ол «Хоуситтерге мүмкіндіктерін арттыруына жол бермеу үшін операцияларымызды жалғастырамыз», - деп атап өтті.

Сондай-ақ Кац Иран мен Израиль шиеленісіне тоқталып, Израильдің Иранның ядролық және стратегиялық әлеуетіне елеулі зиян келтіргенін алға тартты.

«Америкалық серіктестерімізбен ынтымақтастықта Иранға ауқымды соққы бергеніміз жөніндегі есептерді бақылап отырмын. Қауіпсіздік құрылымдары жағдайды мұқият қадағалауда. Әзірге мәлімет бере алмаймын», - деді Кац.