Түркия мен Пәкістан шенеуніктері Пәкістанның 40 теңіз блогында мұнай мен газды барлау үшін бірлескен тендерге қатысу туралы келісімге қол қойды.

Пәкістан Мұнай министрлігі «Бұл бірлескен келісімге сейсенбі күні Исламабад қаласында өткен 2025 жылғы Пәкістан Минералдар Инвестиция Форумы аясында қол қойылды»,- деп хабарлады.

Ақпан айында Пәкістан үкіметі Макран және Индус бассейндерінде 40 теңіз блогында барлау лицензияларын беру үшін тендер жариялағанын мәлімдеді.

«Бұл тендер елдің энергия секторына шетелдік тікелей инвестицияларды тартуға үлкен мүмкіндік береді», – делінген министрліктің мәлімдемесінде.

Пәкістанның «Mari Energies Limited», «Oil and Gas Development Company Limited» және «Pakistan Petroleum Limited» компаниялары Түркияның мемлекеттік меншігіндегі Түрік мұнай корпорациясымен теңіз тендеріне бірлесіп қатысу туралы келісімге қол қойды.

Пәкістанның Мұнай министрлігі «Бұл стратегиялық ынтымақтастық Пәкістанға аса қажетті шетелдік инвестиция әкеледі және Пәкістанның ашық теңіз аймағының әлеуетін ашу және пайдалану үшін халықаралық технологияларды, тәжірибе мен дағдыларды бөлісуге және қолдануға жол ашады деп сенеміз», - деді.

Қол қою рәсіміне Түркияның Энергетика және табиғи ресурстар министрі Алпарслан Байрактар мен Пәкістанның Мұнай министрі Әли Первайз Малик қатысты.

Байрактар Исламабадтың тау-кен инвестиция форумын жоғары бағалады.