Украина президенті Владимир Зеленский Ресейдің Пермь өңіріндегі мұнай өңдеу зауыты мен Мариновка әскери әуежайына соққы жасалғанын хабарлады.
Оның айтуынша, Украина шекарасынан 1600 шақырымнан астам қашықтықта орналасқан Пермь мұнай өңдеу зауыты түнде нысанаға алынған.
«Волгоград облысындағы Мариновка әскери әуежайына алыс қашықтықтан әуе соққысы жасалды. Қаратеңізде де нәтижеге қол жеткізілді», - деді Зеленский.
ҰСЫНЫЛҒАН
Сондай-ақ ол Краснодар өлкесінде дрон ұшырылатын нысанға соққы жасалғанын айтты.
Зеленский бұған дейін Ресейдің Астрахан облысындағы Украинадан шамамен 600 шақырым қашықтықта орналасқан Ахтубинск әскери әуежайына да шабуыл жасалғанын атап өтті. «Су-34» үлгісіндегі әскери ұшақтың зақымданғаны туралы ақпарат алынған.
