Қызмет ақауларын бақылайтын “Downdetector” сайтының дерегінше, “YouTube”-қа қатысты 800 мыңнан астам қолданушы шағымданған. “Google” әзірге жағдайға байланысты ресми түсініктеме берген жоқ.

“Alphabet” компаниясына тиесілі “YouTube” АҚШ-та және әлемнің түкпір-түкпірінде көптеген қолданушы үшін уақытша қолжетімсіз болған.

“Downdetector” мәліметтерді қолданушылардың хабарламалары мен түрлі дереккөздерден алынған есептерге сүйене отырып жинайды. Платформа “YouTube”-пен байланысты ақаулардың өзге “Google” қызметтерін де қамтуы мүмкін екенін хабарлады.

Сондай-ақ “Downdetector” нақты зардап шеккен қолданушы санының тіркелген мәліметтерден өзгеше болуы ықтимал екенін атап өтті.