Әуежайдың Корпоративтік коммуникациялар басқармасының мәліметінше, құрбан айт демалысының соңғы күні ішкі және халықаралық бағыттарда жалпы саны 894 ұшып-қону операциясы жүзеге асырылған.

Осылайша әуежай бір тәуліктегі рейс саны бойынша жаңа рекорд орнатты. Әуежайдың Корпоративтік коммуникациялар басқармасы мен терминал операторы «ISG» арасындағы үйлесімді жұмыстың нәтижесінде мерекелік қарбалас пен рекордтық әуе қозғалысы еш қиындықсыз басқарылды.

Әуе қозғалысын басқару қызметтерінен бастап перронды үйлестіру, техникалық инфрақұрылым мен әуе кеңістігінің қауіпсіздігіне дейінгі барлық операциялық үдерісті әуежай басқармасы тиімді түрде жүргізді.

Ал терминал аумағында «ISG» қызметкерлері операциялық жұмыстарды, қауіпсіздікті қамтамасыз ету, тазалық сақтау, бағыт-бағдар беру және жолаушылардың жайлылығын арттыру шараларын тәулік бойы атқарды.

Осылайша мереке кезіндегі жоғары жүктеме іркіліссіз сәтті аяқталды.

Бұл рекорд Сабиха Гөкчен халықаралық әуежайының стратегиялық маңызы мен технологиялық инфрақұрылымының қуатын тағы бір мәрте дәлелдеді.