Ресейге қарасты Башқұртстан Республикасындағы мұнай өңдеу зауыты ұшқышсыз ұшу аппараттарымен жасалған шабуыл салдарынан зақымданды.
Башқұртстан Республикасының басшысы Радий Хабиров аймаққа ҰҰА шабуылы ұйымдастырылғанын хабарлады.
Шабуыл салдарынан аймақтағы мұнай өңдеу зауытында өрт шыққанын атап өткен Хабиров нысанға зақым келгенін жеткізді.
Хабиров ұшу аппараттырының бірі Уфа қаласындағы тұрғын үйге тиіп, үндістандық студенттің жарақат алғанын айтты.
Ресей Қорғаныс министрлігінің мәлімдемесінде түнде Украинаға тиесілі 453 ұшу аппаратының елдің әртүрлі аймақтарында, соның ішінде астана Мәскеуде әуе қорғанысы жүйелері тарапынан жойылғаны атап өтілді.
Мәскеу мэрі Сергей Собянин де әлеуметтік желідегі парақшасында қалаға қарай ұшып келген 25 дронның залалсыздандырылғанын хабарлады.
