Трамп Газа Бейбітшілік кеңесінің құрылғанын жариялады

АҚШ президенті Трамп кеңес мүшелерінің «жақын арада» жарияланатынын айтты.

By
"Нық сеніммен айта аламын, бұл бұрын-соңды еш жерде, еш уақытта жиналмаған ең ұлы әрі ең беделді кеңес," – дейді Трамп. [Мұрағат] / Reuters

АҚШ президенті Дональд Трамп қоршаудағы Палестина аумақтарында Израильдің геноцидін тоқтатуға бағытталған, АҚШ жетекшілік ететін жоспардың екінші кезеңіндегі маңызды тетік саналатын Газа Бейбітшілік кеңесінің құрылғанын мәлімдеді.

Трамп “Truth Social” платформасындағы жазбасында: «БЕЙБІТШІЛІК КЕҢЕСІНІҢ құрылғанын жариялау — мен үшін үлкен мәртебе», - деп, кеңес мүшелерінің «жақын арада» белгілі болатынын қосты.

Кеңестің құрылуы геноцидтен кейін Газаны басқаруды өз мойнына алатын 15 мүшеден тұратын палестиналық технократтар комитетінің жариялануынан көп ұзамай жүзеге асты.

Аталған комитет Трамп төрағалық етеді деп күтілетін Бейбітшілік кеңесінің қадағалауымен жұмыс істейді.

TRT Қазақ - Израиль Газа, Ливан, Сирия және Йеменге шабуылдарын жалғастырмақ

Израильдің бітімді бұзуы

АҚШ қолдаған Газа бойынша бейбітшілік жоспары алғаш рет 10 қазанда күшіне еніп, ХАМАС ұстап отырған барлық тұтқындарды қайтаруға және қоршаудағы аумақта геноцидтің тоқтауына жағдай жасауға бағытталды. Алайда содан бері Израиль Газада жүздеген палестиналықты өлтіріп, бітім шарттарын бұзуды жалғастырды.

Палестиналықтар үшін ең басты мәселе — Израиль әскерінің Газзадан толықтай әскери түрде шығарылуы. Бұл қадам жоспарға енгізілді, алайда нақты уақыт кестесімен бекітілмеген.

2023 жылдың қазан айынан бері Израиль күштері негізінен әйелдер мен балаларды қоса алғанда 71 400-ден астам палестиналықты өлтірді.