Түркия президенті Режеп Тайып Ердоған АҚШ президенті Дональд Трамптың Түркияның сезімталдығын ескеретін көзқарасын құптағандарын және екі көшбасшы ретінде Сирия мәселесінде бір-бірін түсінгендерін мәлімдеді.

Ердоған сәрсенбі күні Италия сапарынан қайтар жолда жасаған мәлімдемесінде «Мен досым Трамп екеуіміз жаңа кезеңде екіжақты қарым-қатынастарымызға мүлде басқа серпін қосатынымызға сенімдімін», - деді.

Трамппен алғашқы мүмкіндікте бетпе-бет кездесетінін атап өткен Ердоған телефон әңгімелерінің өте жылы, нәтижелі және достық қарым-қатынаста өткеніне тоқталды.

Израильдің Сирия территориясына жасаған шабуылдарын Дамасктегі жаңа әкімшілікпен басталған оң қарым-қатынасты бұзу әрекеті деп сипаттаған Ердоған Сириядағы федералды құрылымның ел шындығымен үйлеспейтін құр арманнан басқа ештеңе емес екенін атап өтті.

Италиямен екі жақты қарым-қатынастарға тоқталған Ердоған Анкара мен Римнің тек қорғаныс өнеркәсібінде ғана емес, авиация және ғарыш сияқты жоғары технология салаларында да ынтымақтастыққа ұмтылғанын баса айтты.

Президент екі ел арасындағы өзара технология трансферінің Түркияның ішкі қорғаныс өнеркәсібін нығайтып, Италияға жаңа перспектива ұсынатынын мәлімдеді.