АҚШ-тың жетекшілігімен Майамиде өткен және жексенбі күні аяқталған бейбіт келіссөздерден небәрі бірнеше күн өткен соң Украина армиясы сейсенбі күні таңғы ерте уақытта Ресейдің Киевке әуе шабуылын бастағанын мәлімдеді.

Киев қаласының әскери әкімшілігі “Telegram” желісінде жариялаған хабарламасында:
«Әуе шабуылына қарсы қорғаныс күштері ел астанасы аспанындағы қатерді жою үшін жұмыс істеп жатыр», -деп мәлімдеп, қауіптің толық сейілгені туралы ресми хабарламаға дейін тұрғындарды паналау орындарында қалуға шақырды.

Ресми тұлғалар қаза тапқандар немесе материалдық шығындар туралы әзірге ақпарат бермеді, сондай-ақ шабуылдың нақты ауқымы әлі анықталған жоқ.

Өткен демалыс күндері Майами қаласындағы кездесулер барысында АҚШ өкілдері украин және еуропалық делегациялармен жүздесіп, ресейлік өкілдермен де жеке кездесулер өткізген еді.