“Fars” ақпарат агенттігі “Иран Президенті Масуд Пезешкиан өткен айда Иранның Жоғарғы Ұлттық Қауіпсіздік Кеңесінің жиналысын нысанаға алған Израиль шабуылы кезінде аяғынан жеңіл жарақат алды” деп хабарлады.
Хабарламаға сәйкес, зымыран шабуылы маусымның 17-сінде, Иранның үш билік тармағының басшыларын қоса алғанда, жоғары лауазымды тұлғалар Тегеранның батысындағы ғимараттың қауіпсіз төменгі қабатында жиналған кезде болған.
Шабуыл кезінде ғимараттың кіреберістері мен шығаберістеріне алты зымыран тиген, агенттік бұл «Хезболла» жетекшісі Хасан Насралланы өлтіру әрекетіне ұқсас тәсіл болғанын атап өтті.
Ресми тұлғалар алдын ала жоспарланған төтенше шығу жолы арқылы эвакуацияоанған. Агенттіктің хабарлауынша, Пезешкиан эвакуация кезінде жарақат алғанымен, қауіпсіз түрде шыққан.
Сондай-ақ хабарламада шабуылдың дәлдігіне байланысты Иран билігі ішкі ақпараттың таралуы мүмкін деп күдіктеніп отырғаны айтылды.
«Мемлекеттік терроризмнің анық үлгісі»
"Fars” агенттігі батыс және Израильмен байланысты бұқаралық ақпарат құралдарын «мемлекеттік терроризмнің анық үлгісін» елемеді деп сынға алды.
