Таиланд пен Камбоджа армиясы шекарадағы даулы аймақта қарулы қақтығыс басталғанын хабарлады. Бірнеше аптаға жалғасқан шиеленістерден кейін екі тарап бір-бірін «бірінші оқ атты» деп айыптады.

Бейсенбі күні таңертең жасалған Таиланд армиясының мәлімдемесіне қарағанда Камбоджа сарбаздары даулы аймақтағы Та Моан Том ғибадатханасының жанында оқ жаудырған.

Мәлімдемеде Камбоджаның қарулы әскерлері аймаққа кірмес бұрын барлау ұшқышсыз ұшағын ұшырғаны айтылған.

Камбоджа Қорғаныс министрлігінің баспасөз өкілі «Тайланд сарбаздары шекараны себепсіз бұзды және Камбоджа әскерлері  қорғану үшін жауап қайтарды»,- деп мәлімдеді.

Қақтығыс сәрсенбі күні Таиланд Камбоджадағы елшісін кері шақырып, Бангкоктағы Камбоджа елшісін елден шығаратынын хабарлағаннан кейін болды.

Бір апта ішінде екінші Тайланд әскерінің даулы аймақтағы минаны басып, аяғынан айырылғаннан кейін бұл шешім шығарылды.

Таиланд миналар жақында қойылғанын айтса, ал Камбоджа бұл айыптауларды негізсіз дейді.

Миналарды тазарту ұйымдары Камбоджада ондаған жыл бойы жалғасқан азаматтық соғыстан қалған миллиондаған мина бар екенін мәлімдеді.