Таиландтың оңтүстігіндегі Наратхиват провинциясында орналасқан қауіпсіздік бақылау-өткізу бекетіне қарулы және жарылғыш зат қолданылған шабуыл салдарынан бес әскери қызметкер қаза тауып, бес бейбіт тұрғын жарақат алды.
“The Nation” газетінің хабарлауынша, шабуыл Наратхиват провинциясының Рангэ ауданындағы полиция бөлімшесіне жарылғыш зат тиелген көлік арқылы жасалған.
Қара түсті киім киген алты шабуылдаушы оқ атып, қолдан жасалған құбыр бомбаларын лақтырған. Соның салдарынан бес әскери қызметкер оқиға орнында қаза тауып, бес бейбіт тұрғын жараланды.
Оқиғадан кейін өңірде қауіпсіздік шаралары күшейтіліп, қашып кеткен күдіктілерді ұстау үшін арнайы операция басталды.
Кеше Наратхиват провинциясының Муанг ауданындағы полиция бөлімшесіне де жарылғыш зат тиелген көлікпен шабуыл жасалып, бір полиция қызметкері жараланған еді.
