Иран президент Масуд Пезешкян да, Сыртқы істер министрі Аббас Аракчи де шақырту алғанын, бірақ Мысырда өтетін Газа саммитіне қатыспайтынын мәлімдеді.

“IRNA” мемлекеттік ақпарат агенттігінің хабарлауынша, Мысыр Иранды дүйсенбі күні Қызыл теңіз жағалауындағы Шарм-эль-Шейх курорттық қаласында өтетін саммитке қатысуға шақырған.

Дегенмен, дүйсенбі күні таңертең ерте Сыртқы істер министрі Аракчи “X” платформасындағы жазбасында саммиттің тең төрағасы АҚШ-қа сілтеме жасап, «Президент Пезешкян да, мен де Иран халқына шабуыл жасап, қорқытып, санкция салуды жалғастырып жатқан сұхбаттастармен кездесе алмаймыз» деді.

Вашингтон маусым айында Иран мен Израиль арасындағы 12 күндік соғысқа Израильді қолдау арқылы бомбалауға үлес қосқан еді.

Министр Тегеран бұған қарамастан «Израильдің Газадағы геноцидін тоқтату» және палестиналықтардың өзін-өзі анықтау құқығын қорғау жөніндегі барлық бастамаларды қолдайтынын мәлімдеді.

Иран Израильді мойындамайды және 1979 жылы АҚШ қолдаған Иран шахын тақтан тайдырған революциядан бері Палестина мәселесін сыртқы саясатының негізіне айналдырды.

АҚШ президенті Дональд Трамп пен Мысыр президенті Абдель Фаттах әл-Сисидің тең төрағалығымен өтетін Газа саммитінің мақсаты - атысты тоқтату келісімін нығайту және соғыстан кейінгі саяси негізді құру.

Саммитке жиырмадан астам елдің басшылары келеді, бірақ тікелей тараптар Хамас пен Израиль қатыспайды.