Түркия президенті Режеп Тайып Ердоған Испания премьер-министрі Педро Санчеспен телефон арқылы сөйлесіп, екіжақты қарым-қатынастарды, сондай-ақ аймақтық және жаһандық мәселелерді талқылады. Бұл туралы Түркия Президенттік аппараты жанындағы Коммуникация басқармасы хабарлады.
Екі ел басшысы Түркия мен Испания арасындағы ынтымақтастықты талқылап, Газа секторындағы қазіргі дағдарысқа қатысты пікір алмасты.
Ердоған биылғы БҰҰ Бас Ассамблеясының отырысында Палестина үшін екі мемлекет шешімін ілгерілетуге бағытталған «маңызды қадамдар» басылғанын атап өтті.
Испанияның ұстанымына мақтау
Алайда ол Беньямин Нетаньяхудың «бейбітшілікті бұзуына жол бермеу керектігін» айтып ескертті және Израильдің әрекеттері мәселені шешуге қызығушылық танытпайтынын анық көрсететінін айтты.
Түркия президенті Газа секторындағы Израиль агрессиясын тоқтату және қоршаудағы аймаққа гуманитарлық көмекті кедергісіз жеткізуді қамтамасыз ету үшін жұмысын жалғастыратынын баса айтты.
Ердоған сондай-ақ Газа секторындағы блокаданы бұзуға бағытталған азаматтық бастама жаһандық “Sumud” флотилиясына қатысты Санчестің ұстанымына ризашылығын білдіріп, Түркияның бұл жағдайды мұқият бақылап отырғанын атап өтті.
