Түркияның ең ірі технология, авиация және ғарыш фестивалі “TEKNOFEST” Солтүстік Кипр Түрік Республикасының (СКТР) астанасы Лефкошада басталды. Төрт күндік іс-шараның алғашқы күнінде шамамен 62,000 адам келді.
Бейсенбі күні басталған фестиваль СКТР президенттігінің қолдауымен Лефкошадағы Эржан әуежайында өтуде. Іс-шара аясында түрлі жарыстар, әуе шоуы, көрмелер және шеберлік сабақтары ұйымдастырылған.
Жұма күні маңызды әуе шоуы мен жоғары технологиялық жаңалықтардың көрмесімен қатар, 5G технологиясына арналған көрме де өтті. Түркиялық “GSM” операторы “Türkcell” 5G технологиясын пайдаланып, жаңа буын автономды теңіз кемесін қашықтан басқару сынағын өткізді.
“Turkcell” алғаш рет пилотсыз теңіз көлігінде 5G сынағын сәтті жүзеге асырды.
Технология мен рухтың тоғысуы
Сынақ сәтті аяқталғаннан кейін “Türkcell” бас директоры Али Таха Коч компанияның инновациялық байланыс технологияларында көшбасшылықты жалғастыратынын айтты.
“TEKNOFEST” фестивалі 2018 жылдан бері Түркияның “Технологиялық Команда” (T3) қоры мен Түркияның Өнеркәсіп және Технология министрлігінің ұйымдастыруымен өткізіліп келеді. Бұл шараға ондаған мемлекеттік мекеме, жеке сектор серіктестері және университеттер қолдау көрсетуде.
“Anadolu” агенттігі фестивальдің жаһандық байланыс серіктесі ретінде қызмет етуде. “TEKNOFEST” әдетте жұп жылдары Түркияның әртүрлі қалаларында, ал тақ жылдары Стамбулда өткізіледі. 2022 жылы бұл шара Әзербайжанда өтіп, енді СКТР мекен болып отыр.
2024 жылы бұл іс-шара Түркияның оңтүстігіндегі Адана қаласында өтіп, шамамен 1,1 миллион адам келген болатын.
