АҚШ-тағы сайлаудың алдын ала нәтижелері бойынша Демократиялық партия Сенатта 52 орынға ие болып, басымдыққа қол жеткізді.
«AP» агенттігі жариялаған бейресми мәліметтерге сәйкес, Сенаттағы орындардың басым бөлігі кімге тиесілі болатыны белгілі болды.
Сенаттағы 18 орынды демократтар, 9 орынды республикашылдар жеңіп алды. Осылайша демократтар Сенаттағы орын санын 52-ге, ал республикашылдар 40-қа жеткізді. Нәтижесінде Конгрестің жоғарғы палатасындағы басымдық республикашылдардан демократтарға өтті.
Демократтар Солтүстік Каролина, Оңтүстік Каролина, Техас, Огайо, Канзас және Айова штаттарында республикашылдарды басып озды. 100 орыннан тұратын Сенатта 52 мандатқа ие болған демократтар көпшілікті құрап, Республикашыл партиядан сайланған АҚШ президенті Дональд Трампқа қарсы заң шығару үдерісіне ықпал ету мүмкіндігін қайта күшейтті.
Өкілдер палатасы сайлауында да демократтар алда келеді.
«AP» агенттігінің алдын ала мәліметіне сәйкес, демократтар Өкілдер палатасында әзірге 178, ал республикашылдар 106 орынға ие болды.
Өкілдер палатасында басымдыққа ие болу үшін партия кемінде 218 орын алуы тиіс.
АҚШ-тағы аралық сайлау
АҚШ азаматтары штат губернаторлары мен жергілікті билік өкілдерін сайлаумен қатар, Конгрестің Өкілдер палатасындағы 435 орынның барлығы және Сенаттағы 100 орынның 35-і үшін дауыс берді.
АҚШ сайлау жүйесіне сәйкес, 435 мүшеден тұратын Өкілдер палатасының құрамы екі жыл сайын толық жаңартылады. Сайлау бірде президент сайлауымен қатар өтсе, келесі жолы аралық сайлау түрінде өткізіледі.
Ал 100 мүшеден тұратын Сенатта сенаторлар алты жыл мерзімге сайланады. Әр екі жыл сайын Сенат құрамының шамамен үштен бірі жаңартылады.
АҚШ Конгресінің Өкілдер палатасында басымдыққа ие болу үшін кемінде 218, ал Сенатта 51 орын алу қажет.
