Түркия Ұлттық қорғаныс министрлігі Бейбітшілік операциясының 52 жылдығына орай мәлімдеме жариялады.
Министрліктің «Nsosyal» желісіндегі парақшасында Түрік Қарулы күштерінің 1974 жылдың 20 шілдесінде Кипр түріктеріне қарсы қырғынды тоқтату мақсатында «Айше демалысқа шықсын» құпия сөзімен Бейбітшілік операциясын бастағаны еске салынды.
Мәлімдемеде: «Кипр гректері мен Грекия тарапының Женева конференцияларында келісімге келмеуіне байланысты 1974 жылдың 14 тамызында «Айше демалысқа шықсын» құпия сөзімен екінші Бейбітшілік операциясы жүргізілді. Операцияның 52 жылдығында жауыздықпен қаза тапқан кипрлік түрік қандастарымызды, ардақты шейіттерімізді және өмірден өткен ардагерлерімізді құрметпен еске аламыз. Арамыздағы ардагерлерімізге зор денсаулық пен ұзақ ғұмыр тілейміз!», - делінген.
