Порт жұмысшылары кәсіподағының, түрлі еңбек ұйымдарының және Палестинаны қолдайтын басқа да қозғалыстардың шақыруымен Пирей портында өткен акция барысында израильдік туристерді тасымалдаған «Crown Iris» круиздік кемесіне наразылық білдірілді.

Наразылық білдірушілер Израильдің Газа секторы мен Ливанға бағытталған әскери операциялары жалғасып жатқан кезде израильдік туристердің Грекияда демалуына қарсылық танытты.

Палестина тулары көтерілген акцияда қатысушылар «Палестинаға еркіндік!» деп ұран салып, «Геноцид туризміне жол жоқ» деген жазуы бар плакаттарды алып шықты.

«Crown Iris» круиздік кемесі 2025 жылдың жаз айларында да Грекияның түрлі порттарына тоқтаған кезде Израильдің Палестинаға қарсы әскери әрекеттеріне байланысты наразылық акцияларына тап болған еді.