Израильдің бұрынғы премьер-министрі Эхуд Ольмерт Нетаньяху үкіметінің Газаның оңтүстігіндегі Рафах қаласында жоспарлап отырған «гуманитарлық көмек қаласы» жобасын сынап, оны «концлагерьге» теңеді.

Жексенбі күні «The Guardian» газетіне берген сұхбатында ол бұл жоспар жүзеге асса, «этникалық тазарту» болатынын атап өтіп, былай деп қосты: «Егер (палестиналықтар) жаңа «гуманитарлық көмек қаласына» депортацияланатын болса, мұны этникалық тазалаудың бір бөлігі деп айтуға болады”

Ольмерт сондай-ақ мұндай «гуманитарлық көмек қаласын» салу палестиналықтарға көмектесудің орнына Газадан күштеп қоныс аударуға әкелетінін айтты.

 «Гуманитарлық көмек қаласы»?

 Атысты тоқтату келісімі жасалған жағдайда да, Израильдің Рафахты бақылауда ұстауды көздейтінін білдірген Израиль Қорғаныс министрі Израиль Катц палестиналықтарды басқа елдерге депортациялау мақсатында әскерилерге аймақта «гуманитарлық көмек қаласы» деп аталатын қала салуды тапсырғанын білдірді.

Катц бұл қалаға кіргеннен кейін адамдарға аймақтан шығуға рұқсат берілмейтінін айтты. Ол палестиналықтардың алдымен тексерілетінін және бастапқы мақсаттың 600 000 адамды көшіру екенін білдірді.

Катцтың айтуынша, мақсат - барлық палестиналықты «халықаралық ұйымдар басқаратын және Израиль армиясы қорғайтын» аймақта жинау.

Израиль ақпарат құралдары да премьер-министр Беньямин Нетаньяхудың 5 шілдеде үкімет отырысында Рафахта «гуманитарлық көмек қаласы» деп аталатын қала құруға бұйрық бергенін хабарлады.

Хамаспен атысты тоқтату келісіміне қол жеткізілсе де, Израильдің Мораг пен Филадельфия дәліздерінің арасында орналасқан Рафахтан шегінбейтіні айтылды.

Газадағы палестиналықтарды басқа елдерге депортациялау идеясын алдымен АҚШ президенті Дональд Трамп көтеріп, кейін Израиль де қабылдады. Нетаньяху бұл жоспарды жүзеге асыру үшін жұмыс істеп жатқандарын бірнеше рет мәлімдеді.