Көлік және инфрақұрылым министрі Абдулкадир Уралоглу соңғы 24 жылда жүргізілген жұмыстардың нәтижесінде Түркияның теміржол желісі 13 мың 919 шақырымға дейін ұлғайғанын және жаңадан 2 мың 251 шақырым жоғары жылдамдықты теміржол желісі салынғанын мәлімдеді.
Түркияның жоғары жылдамдықты пойыздарды пайдалану бойынша Еуропада 6-шы, әлемде 8-ші орында тұрғанына назар аударған Уралоглу:
«Осы уақытқа дейін жоғары жылдамдықты пойыздарымызбен 114 миллион жолаушы тасымалдадық. Теміржолды Түркияның көлік жүйесінің қайтадан маңызды бөлігіне айналдырдық. Теміржол желісін 10 мың 948 шақырымнан 13 мың 919 шақырымға дейін ұлғайттық. Жаңадан 2 мың 251 шақырым жоғары жылдамдықты теміржол желісін салдық», - деді.
Уралоглу қолданыстағы инфрақұрылымның ауқымды түрде жаңғыртылғанын білдірді.
Бүкіл теміржол желісінің жаңартылып, заманауи талаптарға сай жетілдірілгенін атап өткен министр Уралоглу:
«Желілеріміздің 61 пайызын сигнализация жүйесімен жабдықтап, жартысынан астамын электрлендіру арқылы қолданыстағы инфрақұрылымымызды әлемдік стандарттарға сай теміржол желісіне айналдырдық», - деді.
Уралоглу Түркия бойынша жаңа жоғары жылдамдықты пойыз және теміржол жобалары жалғасып жатқанына назар аударып,
«2028 жылға дейін жоғары жылдамдықты пойызбен тікелей байланысқан провинциялар санын 11-ден 27-ге дейін арттыруды көздеп отырмыз», - деді.
