Ресей Федералдық қауіпсіздік қызметінің осы мәселеге қатысты мәлімдемесінде Ұлыбритания елшілігінің қауіпсіздігін қамтамасыз ететін мекеме қызметкерінің ұсталғаны атап өтілді. Мәлімдемеде «Ұсталған 1981 жылы туған Ресей азаматының Украина Қауіпсіздік қызметінің (УҚҚ) агенті екені және ағылшын дипломаттары туралы ақпарат жинағаны анықталды», — делінген.

Киев әкімшілігі жиналған ақпаратты ағылшын дипломаттарына қарсы диверсиялық және террористік әрекеттерді ұйымдастыру үшін пайдаланған деп есептелген мәлімдемеде «Бұл үшін Ресей айыпталуы керек еді. Осылайша Ұлыбританияны Ресеймен тікелей қарулы қақтығысқа тарту, Лондонның Украинаға қосымша қару-жарақ пен әскери техника жеткізуін қамтамасыз ету және Ресейге қарсы санкциялық қысымды арттыру көзделген», — деген баға берілді.

Мәлімдемеде бұл мәселеге қатысты Ұлыбритания тарапына ақпарат берілгені жеткізілді.

Ресей Федералдық қауіпсіздік қызметі жариялаған видеокадрларда болса ұсталған кісі Украина барлау қызметі үшін жұмыс істегенін және дипломаттар жайлы мәлімет жинағанын мойындады.