АҚШ-тың ядролық қару-жарақ қорын қорғауға жауапты агенттік өз қызметкерлерінің көпшілігін мәжбүрлі демалысқа жібере бастады. Бұл туралы агенттіктің ресми өкілі хабарлады.
Төртінші аптаға аяқ басқан бұл жағдайға байланысты Ұлттық Ядролық Қауіпсіздік басқармасының (NNSA) шамамен 1,400 қызметкері ақысыз демалысқа жіберілетіні туралы хабар жарияланды.
«Демократтардың үкіметтің жұмысын тоқтатуы салдарынан бүгін 20 қазаннан бастап, шамамен 1,400 федералды қызметкері ақысыз демалысқа жіберіледі, ал шамамен 400 федералды қызметкер мүлікті қорғау мен адам өмірінің қауіпсіздігін қамтамасыз ету үшін жұмысын жалғастырады», – деп мәлімдеді Энергетика министрлігінің өкілі.
«Атом ғалымдары бюллетені» басылымы “АҚШ-та 5,177 ядролық оқтұмсық бар, оның ішінде шамамен 1,770-і қондырылған” деп хабарлайды.
60,000 қызметкерлі қадағалайтын NNSA бұл қаруларды жобалау, өндіру, қызмет көрсету және қауіпсіздігін қамтамасыз етуге жауапты.
“CNN” арнасының хабарлауынша, бұл жағдай бастапқыда Техастағы “Pantex” және Теннесидегі “Y-12” сияқты ядролық қару-жарақ құрастырылатын кәсіпорында жұмыс істейтіндерге әсер етеді.
20 күнге созылған бұл жағдай АҚШ тарихындағы ең ұзақ толық үкімет тоқтауы болып отыр.
Президент Дональд Трамп демократтарға қысымды күшейтіп, республикашылдармен бірге үкіметті қайта ашуға дауыс беруге шақырды.
«Біз демократтардың ақылға қонымды шешім қабылдауын күтеміз және жақын арада мәселе шешіледі деп үміттенеміз», – деді Трамп.
Өкілдер палатасының спикері Майк Джонсон бұл жұмыстан шығарулар «Америка халқына қауіп төндіреді» деп ескертті.
