Министр Курум әлеуметтік желідегі парақшасында Қоршаған орта, урбанизация және климаттың өзгеруі министрлігіне қарасты Түркия Қоршаған ортаны қорғау агенттігі (TÜCA) теңіз экожүйесін қорғау мақсатында іске қосқан «DERİA» жүйесі туралы мәлімдеді.

Курум өз жазбасында: «Теңіздеріміздің көгілдір келбеті келер ұрпаққа жетуі үшін Жерорта теңізіндегі ең ірі экологиялық қорғау науқанын бастаймыз. Фетхиеде теңіз экожүйесіне қауіп төндіріп отырған 16,2 миллион текше метр теңіз түбіндегі лайды тазартамыз. Теңіз шалғындарын қорғауға мүмкіндік беретін әрі кемелердің зәкір тастауын қажет етпейтін «Mapa-Şamandıra» жүйесін іске қосамыз. Қайықтардың ретсіз байлануына жол бермей, теңіз қозғалысын тәртіпке келтіреміз», – деді.