Мемдух Бүйүккылыч жазбаша мәлімдемесінде 2025–2026 жылғы шаңғы маусымы турист саны мен маусым ұзақтығы жағынан табысты аяқталғанын атап өтті.
Ол өткен жылдың 18 желтоқсанында басталған шаңғы маусымының 15 мамырда аяқталғанын еске салып, Эрджиес шамамен 150 күн ішінде 3 миллион 300 мың туристі қабылдағанын айтты.
Жалпы ұзындығы 112 шақырымды құрайтын 41 түрлі шаңғы трассасы бар орталық Девели, Текир, Хисарджык және Хаджылар бағыттарында жергілікті және шетелдік қонақтарға қызмет көрсеткен.
Бүйүккылыч шаңғы орталығының Түркиядағы қысқы туризмнің ең маңызды орталықтарының біріне айналғанын және қар сапасы мен заманауи инфрақұрылымы Эрджиесті халықаралық деңгейде ерекшелендіретінін атап өтті. Сондай ол Германия, Италия, АҚШ, Ұлыбритания, Жапония, Оңтүстік Корея, Малайзия, Франция, Португалия және Индонезиядан келген туристердің Эрджиесті таңдағанын, Түркияның әртүрлі қаласынан келген демалушылар да бұл орталыққа ерекше қызығушылық танытқанын айтты.
