Ресейдің Рязань облысының губернаторы Павел Малков аймаққа жасалған қарқынды ұшқышсыз ұшу аппараты (ҰҰА) шабуылында мұнай өңдеу зауытында өрт шыққанын хабарлады.
Павел Малков өзінің жазбаша мәлімдемесінде аймақтың түнде және таңертеңгі сағаттарда жаппай ҰҰА шабуылдарының нысанасына айналғанын білдірді.
Малков шабуылдар тудырған шығынға қатысты «Мұнай өңдеу зауытының аумағында өрт шықты. Рязаньдағы басқа бір кәсіпорынның аумағында орналасқан қойма мен көліктер де зақымданды», — деген сөздерді қолданды.
Алғашқы мәліметтер бойынша жарақат алғандардың жоқтығын айтқан Малков материалдық шығынды анықтау жұмыстарының жалғасып жатқанын және төтенше жағдайлар қызметінің аймақта жұмыс істеп жатқанын атап өтті.
АҚШ президенті Дональд Трамп 11 қазанда Ресей мен Украинаның бір-бірінің энергетикалық инфрақұрылымына бағытталған шабуылдарды тоқтату жөнінде келісімге келгенін жариялаған, ал Кремльдің баспасөз хатшысы Дмитрий Песков бұл мәселеге қатысты байланыстардың жалғасып жатқанын хабарлаған еді.
