Үндістан үкіметінің COVID-19 індетін бақылауға арналған ресми сайтының дерегіне сәйкес, сәрсенбі күні елде "Омикрон" нұсқасының тармақталған түрлерінің таралуы себебінен 4 300 жаңа жаңа науқас тіркелді.

Аталған сайттың мәліметінше, Үндістанның оңтүстігіндегі Керала штаты 1 373 науқаспен ең көп зардап шеккен өңір ретінде тіркелді. Елдің қаржы орталығы саналатын Мумбаи қаласы орналасқан Махараштра штаты болса 510 науқаспен екінші орында тұр.

Соңғы 24 сағат ішінде індеттен 7 адам қайтыс болған. Осылайша биылғы жалпы өлім саны 44-ке жетті.

Махараштра мен ел астанасы Дели секілді өзге штаттарда да жұқпалы аурудың айтарлықтай өскені байқалуда.

Артқан жағдайларға қарамастан елдің ең жоғары медициналық мекемесі — Үндістан Медицина Зерттеулері Кеңесі (ICMR) өткен аптада таратқан мәлімдемесінде қазіргі толқынның негізінен “Омикрон” нұсқасының тармақтарынан туындағанын және жұқпалардың “жалпы алғанда жеңіл өтіп жатқанын” хабарлады.

ICMR бұл жағдайға алаңдауға негіз жоқ екенін атап өтіп, жағдайдың бақылауда екенін хабарлады.

Сондай-ақ Денсаулық сақтау министрі Пратапрао Джадхав өткен аптада халықты тыныштандырып, үкіметтің ықтимал өзгерістерге толық дайын екенін жеткізді.

Дели қаласында денсаулық сақтау органдары өткен айда ауруханаларға дайындық деңгейін қайта қарауды тапсырған ескерту хабарламаларын жариялады.

“Worldometer” дерегіне сәйкес, 2020 жылы пандемия басталғалы бері Үндістанда 45 миллионнан астам COVID-19 жұқтырып, 533 570 адам қайтыс болған.